Langabezian gelditu, eta agroturismo zentro bat martxan jartzen erabakitzen duten bost lagunen abenturak kontatzen dizkigu komikiak. Baina eurena ez da edonolako negozioa izango: ekologiaren ikuspuntutik, jasangarria; eta ekoizpen modeloa etiko eta solidarioa izatea nahi dute.

Komikiaren helburua ekonomia solidarioa ezagutzera ematea da. ALBOAN eta REAS-Euskadi (Red de Economía Alternativa y Solidaria) erakundeen arteko elkarlanetik sortu zen egitasmoa eta Garapen Lankidetzaren Euskal Agentziaren babesa jaso du.

Bizibidea ateratzea

Gizaki orok, izan landa-eremukoak zein hiri-eremukoak, bilatzen dugu bizibidea ateratzeko eta aurrera egiteko modua. Tamalez, gu guztion abiapuntua ez da berdina. Gure ahalmenak eta gure aukerak ez dira berdinak. Munduko zenbait tokitan, landa-eremuan jaiotzen direnek aukera gutxiago dituzte.

Halaxe da, adibidez, Peru eta Kolonbia bezalako herrialdeetan, non «landa-eremuarekiko zorrari» buruz mintzo baitira. Adierazpide horrek zorigaitz bi barne hartzen ditu: indarkeria eta pobrezia. Izan ere, bi herrialde horietan, landa-eremuetan bizi direnak dira pobreenak eta ahulenak, bereziki emakumeak eta neskatoak. Talde hori da indarkeria-mota desberdinen eraso bortitzenak pairatu dituena eta, gaur egun ere, pairatzen dituena.

Gipuzkoako Debagoienan kokatzen den Ereindajan ekoizle elkarteak praktika agroekologikoekin lotura duen kontsumo lokala sustatzen du. Elkarte honek eskaintzen dituen nekazal eta abere produktuak lokalki eta prozesu ekologikoen bidez ekoizten dira. Egun, Ereindajanek Arrasaten denda bat zabaltzeko prozesuan dago, eta bai bazkideek zein kontsumitzaileek parte hartu ahal izango dute bertan.

Izan ere, ekoizpen prozesu agroekologikotan parte hartzeaz gain, lehen sektoreko enplegua sustatzen duen ekonomiaren alde dago Ereindajanek.

Ekoizpen sistema alternatiboa eskaintzen duen elkartea izanik, gizarte aldaketarako plataforma bat koordinatzen du eta sentsibilizaziorako hainbat jarduera antolatzen ditu: hitzaldiak, bideo forum-ak, etb.

Informazio gehiago nahi izanez gero, hemen klikatu. Kontaktua: ereindajan@bagara.net